所謂新年新開始，想去舊迎新大掃除，以下幾個別緻的儲物袋和儲物籃，保證可以幫你將小朋友的房間執得企企理理。

Nobodinoz 玩具袋

由西班牙巴塞隆拿製的Nobodinoz別緻玩具袋，採用簡約設計，手挽穩陣兼有彈性，適合簡單收納玩具和待洗衣物，想立即執好又得，或者載住玩具走亦得！

Childhome 萬用星星帆布籃

透過 比利時Childhome可接疊式帆布籃，輕鬆地收納衣物、玩具及各種小配件。帆布籃有多種顏色及大小選擇，而且設計簡單，色系柔和，非常方便配襯。配上依款魅力十足的小盒子，從此令衣櫃和書櫃不再單調！

Rex 儲物袋

英國Rex儲物袋有多種款式及大小，能完全配合你的需要。無論放玩具、衣物、美勞用具，甚至化妝品，密實可靠的Rex 儲物袋都可以通通將你的物品收好！

Rice DK 卡通萬用藤籃

要揀一款精緻出眾，充滿美感之餘又魅力十足的玩具籃，絕對非 丹麥Rice DK手工製藤籃莫屬。藤籃順眼好睇，既可以裝飾小朋友房之餘，更可將玩具全部收得整整齊齊！